Заев утре и задутре во Грција: На конференција на „Економист“ и на работен ручек со Мицотакис

Share on facebook
Facebook
Share on twitter
Twitter
Share on linkedin
LinkedIn
Share on email
Email
Share on telegram
Telegram

Премиерот на Северна Македонија, Зоран Заев утре и задутре, 15 и 16, септември ќе биде во дводневна работна посета на Грција, каде што ќе учествува на конференција на угледниот магазин „Економист“ и ќе има работен ручек со грчкиот колега Киријакос Мицотакис, соопштија од Владата.

Средбата со Мицотакис е на агендата за в среда, а на неа ќе ѝ претходи и средба со претседателката на Грција, Катерина Секеларопулу.

На конференцијата „24-та тркалезна маса со грчката влада“ која ја организира „Економист“, годинава ќе доминираат теми поврзани со справувањето со пандемијата, а Заев ќе има свое обраќање на панелот посветен на Западен Балкан.

Во делегацијата со Заев ќе бидат и вицепремиерите за европски и за економски прашања, Никола Димитров и Фатмир Битиќи, и министерот за надворешни работи Бујар Османи.

Премиерот Заев ќе има и повеќе средби со бизнисмени на конференцијата на „Економист“, како и со претставници на грчката бизнис заедница.
Hellenic Business Association