Грчката Бизнис асоцијација на Северна Македонија обезбеди неопходни медицински материјали за болницата во Кочани, како дел од тековните напори за поддршка на погодените од катастрофалниот пожар во ноќен клуб во градот.
Исто така, Грчката Бизнис Асоцијација изрази подготвеност да обезбеди дополнителна помош за болницата во Кочани, секогаш кога ќе биде потребно. Се забележува дека од првиот момент на трагедијата, членовите на Асоцијацијата побрзаа да обезбедат помош, изразувајќи ја солидарноста во тешкиот момент што го доживуваат градот и неговите жители.
Донацијата ѝ беше предадена на д-р Катерина Паниќ-Мирчовска, директорка на Општата болница Кочани, од страна на членот од одборот на Грчката бизнис асоцијација, Илијас Цукалас.
Донацијата има за цел да го зајакне капацитетот на болницата да ги задоволи растечките потреби на погодените пациенти и нивните семејства. Оваа иницијатива ја одразува силната посветеност на Асоцијацијата и нејзините членови да застанат покрај локалната заедница во време на криза.
Грчката бизнис асоцијација изразува благодарност до сите членови и соработници кои придонесоа за овој хуманитарен потфат, потврдувајќи ја својата посветеност на поддршка секогаш и каде и да е потребно.
Во пожарот што избувна во раните утрински часови на 16 март во ноќен клуб во Кочани, 62 лица, од кои повеќето млади, ги загубија животите, а приближно 200 други беа повредени, од кои многумина со сериозни изгореници, чие хоспитализирање и закрепнување ќе трае долго.